بناتنا والتحرش وحروف الخاء

إني أرفع آيس كابي لتلك البنت اللتي تساوي مائة بنت - معنديش أنا مصطلح بنت بمية راجل ده - P:
واللي كانت معايا في المواصلات من الفيوم لبني سويف كل اللي عملتوا انها رفعت صوتها و صرخت ...
أنا عايز منكو تعملوا زيها لو مريتوا بنفس موقفها..
كان قاعد جمبها واحد مش تمام شكله محترم بس هو اللي حكم على نفسه انه مش تمام من اللي عمله ومش شرط أذكر هو عمل ايه انتو أكيد فهمتوا...


حركة في التانية ..البنت اللي شعر راسي بان عشان خاطرها دي ماسكتتش راحت ضارباه وهي بتزعق و قالت " وقف ياسطى..عشان يانا يا هو في العربية" و فعلا الراجل خد lكفايته من التهزيء وغير مكانه ونزل بعدها علطول وهو مذلول..
ولو كنا بلغنا عنه لو في فعلا قانون تحرش مفعل في مصر يطبق على واحد والتاني وتالت هتختفي فعلا الظاهرة دي غصب عن أي حد..
اللي ميز البنت دي عنكوا يا بنات إنها ماضعتش بالخاءات اللي ضاعت بيها بناتنا..
ماهو بناتنا ضاعت بين خاء الخجل و خاء الخوف وإن اجتمع الخاءان يساوي خاء كبيرة وهي خيبة ما بعدها خيبة..
عزيزتي البنت الخجولة عزيزتي البنت الخائفة ليس هناك ما يدعو للخجل أو الخوف..بالعكس هتظهري بطلة قدام الناس لو كشفتي مجرم وأنا هرفعلك الآيس كاب احتراما وتقديرا زيها ولا يهمك _ ههههههههههههه ^_^ _ ..
لو حد اتعرضلك بلفظ بنظرة غلط بحركة مش تمام اضربيه اشتميه لمي عليه الناس وافضحيه عرفيهم انك مش سهلة اوعي تسكتي لسبب من الأسباب..وماتخافيش عمر ما كان ده
محل كسوف أو خوف..
لو كل واحدة فيكو عملت كده وده سمع بالموقف ده والتاني شافو وغيره حكاه لغيره..هنقضي علي التحرش تماما..وكل مجرم يفكر ف حاجة هيقول ف نفسه " اعقل ياد مايغركش الرقة والدلع اللي هي فيه ده..دي بحركة تجيبك الأرض"
بس والنبي تتأكدوا الأول لحسن يكون في زحمة وهو مش واخد باله ويطلع برئ...
وعشان الشاعر اللي قال :

"الناس للناس من عرب ومن عجم***بعضهم لبعض وإن لم يشعروا خدم"

الشباب الكويس بأه مش اوصيكوا أي واحدة تعمل اللي قلتوا من شوية ده... ماتسبوش واعتبرها أختك وتعامل بأه
وماتتعاطفش معاه بأي حجة حتى لو قالك دي مراتي هههههههه أنا بهدي النفوس بس. D: